58 ரன்களுக்கு ஆல் அவுட் ஆன இங்கிலாந்து!

ஆக்லாந்தில் நடைபெற்று வரும் நியூசிலாந்துக்கு எதிரான முதல் டெஸ்ட் போட்டியில், இங்கிலாந்து அணி அனைத்து விக்கெட்டுகளையும்  இழந்து, 58 ரன்களுக்கு ஆல் அவுட் ஆகியுள்ளது.

டாஸ் வென்று பந்துவீச்சைத் தேர்வு செய்த நியூசிலாந்து அணியின் பந்து வீச்சில் சுருண்ட, இங்கிலாந்து அணி ஒரு கட்டத்தில் 27 ரன்களுக்கு 9 விக்கெட்டுக்களை இழந்தது.

குறைந்த ரன்களில் ஆட்டமிழந்த அணியாக ஆகிவிடுமோ என்றிருந்த நிலையில், ஓவர்டன் உடைய பொறுப்பான ஆட்டத்தால் 20.4 ஓவர்களில், 58 ரன்களுக்கு இங்கிலாந்து அணி ஆல் அவுட் ஆனது.

நியூசிலாந்து அணி சார்பில், ட்ரெண்ட் போல்ட் 6 விக்கெட்டுகளையும், டிம் சவுத்தி 4 விக்கெட்டுகளையும் கைப்பற்றினர். இங்கிலாந்து அணியில் 5 பேட்ஸ்மென்கள் டக் அவுட் ஆனது குறிப்பிடத்தக்கது.