All
Looks like you've blocked notifications!

தமிழ்

தற்போது 'சீம ராஜா' திரைப்படத்தில் நடித்துக்கொண்டிருக்கும் சிவகார்த்திகேயன், தனது அடுத்த படத்தில் 'நேற்று இன்று நாளை' பட இயக்குனர் ரவிகுமாருடன் இணைய உள்ளார்.

 

ஏ ஆர் ரகுமான் இசையமைக்கவுள்ள இத்திரைப்படத்தில் ராகுல் ப்ரீத்  சிங் கதாநாயகியாக நடிக்கவுள்ளதாக நம்பத்தகுந்த வட்டாரங்கள் தெரிவிக்கின்றன.

 

'ஏலியன் பேண்டஸி' வகையில் இத்திரைப்படம் உருவாகவுள்ளது  குறிப்பிடத்தக்கது.

BY SATHEESH | FEB 17, 2018 10:54 PM #SIVAKARTHIKEYAN #RAHUL PREETHI SINGH #AR RAHMAN #தமிழ் NEWS

சொப்பன சுந்தரி பாடல் மூலம் இணையத்தில் வைரலான 'சன் சிங்கர்'  ப்ரனிதி நடிகர் சூர்யாவிடம்,  'முன்பே வா' பாடலைப் பாடி அவரை வெகுவாக கவர்ந்துள்ளார்.

 

ப்ரனிதி ஒரு ஆசீர்வதிக்கப்பட்ட குழந்தை எனவும், அவர் மேன்மேலும்  வளர வேண்டும் எனவும் சூர்யா வாழ்த்தி உள்ளார்.

 

ப்ரனிதி சமீபத்தில் வெளியாகி வெற்றிப்பெற்ற அருவி திரைப்படத்தில் நடித்திருந்தார் என்பது குறிப்பிடத்தக்கது..

BY SATHEESH | FEB 17, 2018 9:36 PM #PRANITHI #MUNBE VAA #SURYA #SUN SINGER #தமிழ் NEWS

விருதுநகர் மாவட்ட ஆட்சியர் சிவஞானம் தன் இரண்டரை வயது மகளை அரசு அங்கன்வாடியில் சேர்த்துள்ளார். சேர்த்தது மட்டுமின்றி, தினமும் மகளை பள்ளியில் விட்டுச்சென்ற பிறகே தனது பணிகளையும் அவர் தொடங்குகிறார்.

 

பொதுமக்கள் அரசு மருத்துவமனைகளையும் - பள்ளிகளையும்  பயன்படுத்திக்கொள்ளத் தயங்கும் இச்சூழலில், மாவட்ட ஆட்சியரின் இச்செயல் அனைத்துத் தரப்பினரையும் கவர்ந்துள்ளது.

 

இதேபோல, கிராமங்களில் நடைபெறும் குறைதீர்ப்பு முகாமிற்கு செல்ல அரசுப் பேருந்துகளில் பயணம் செய்வதையும், சிவஞானம் வாடிக்கையாகக் கொண்டுள்ளார் என்பது குறிப்பிடத்தக்கது.

BY SATHEESH | FEB 17, 2018 8:42 PM #TAMILNADU #CHENNAI #COLLECTOR #GOVTSCHOOL #தமிழ் NEWS

கள்ளக்காதலுக்கு இடையூறாக இருந்த கணவனை, மனைவியே கொன்று புதைத்த சம்பவம் கன்னியாகுமரி பகுதியில் பெரும் பரபரப்பை ஏற்படுத்தியுள்ளது.

 

இதுகுறித்து பாலிமர் டிவி செய்தி வெளியிட்டுள்ள செய்தியின்படி, கன்னியாகுமரி மாவட்டம் பள்ளியாடி பகுதியை சேர்ந்த கூலித்தொழிலாளி ராஜசேகர் கடந்த 2007-ம் ஆண்டு மாயமானார் என்றும், இதைத் தொடர்ந்து அவரது சகோதரர் ரவி பள்ளியாடி காவல் நிலையத்தில் புகார் அளித்ததாகவும் கூறப்படுகிறது.

 

தனிப்படை அமைத்துத் தேடியும் ராஜசேகரைக் கண்டுபிடிக்க போலீசாரால் முடியவில்லை. தொடர்ந்து கடந்த 2012-ம் ஆண்டு பள்ளியாடி காவல் நிலையத்தில் மீண்டும் ரவி புகார் அளித்தார். மிகுந்த சவாலாக இருந்த வழக்கை எப்படியாவது முடிக்க வேண்டும் என நினைத்த போலீசார், விசாரணையை பல்வேறு கோணங்களில் திருப்பினர்.

 

ஒருகட்டத்தில் அவரது மனைவி சுதா, போலீசாரின் விசாரணை வளையத்திற்குள் கொண்டுவரப்பட்டார். அவரிடம் விசாரித்தபோது கள்ளக்காதலுக்கு இடையூறாக இருந்த ராஜசேகரை, சுதா தனது காதலனுடன் சேர்ந்து கொன்று புதைத்து நாடகம் ஆடிய விவரம் தெரியவந்தது.

 

சுதா அளித்த தகவலின்படி, கழிவுநீர்த்தொட்டியில் கொன்று புதைக்கப்பட்ட ராஜசேகரின் உடல் 11 ஆண்டுகளுக்குப்பின், தற்போது எலும்புக்கூடாக மீட்கப்பட்டுள்ளது.

BY MANJULA | FEB 17, 2018 7:26 PM #WOMEN #MURDER #HUSBAND #மனைவி #கணவன் #கொலை #தமிழ் NEWS

'ஒரு அடார் லவ்' படத்தில் இடம்பெற்ற 'மாணிக்ய மலராய பூவி' பாடலின் மூலம், மலையாள நடிகை பிரியா பிரகாஷ் வாரியர் புகழ் வெளிச்சத்தில் நனைந்து கொண்டிருக்கிறார்.

 

இதுதவிர, பேஸ்புக், டுவிட்டர், இன்ஸ்டாகிராம், கூகுள், யூடியூப் என இணையதளத்தின்  'சென்சேஷன்' ஆகவும் பிரியா பிரகாஷ் உருவெடுத்திருக்கிறார்.

 

இந்தநிலையில், பிரபல பாலிவுட் நடிகர் ரிஷி கபூர் பிரியாவைப் புகழ்ந்து டுவீட் செய்துள்ளார். அதில், ''இந்த பெண்ணுக்கு பெரிய நட்சத்திர அந்தஸ்து கிடைக்கும் என நினைக்கிறேன். கடவுள் உன்னை ஆசிர்வதிக்கட்டும். நான் நடிக்கும்போது நீ நடிக்க வரவில்லையே, ஏன்?'' என்று தெரிவித்துள்ளார். 

BY MANJULA | FEB 17, 2018 4:56 PM #PRIYAPRAKASHVARRIER #RISHIKAPOOR #ரிஷிகபூர் #பிரியாபிரகாஷ்வாரியர் #தமிழ் NEWS

சத்தீஸ்கர் மாநிலம் பஸ்டார் பகுதியை சேர்ந்த பாமன் என்பவர் மீது கடந்த 15-ம் தேதி அடையாளம் தெரியாத வாகனம் மோதியது. இதில் பலத்த காயமடைந்த பாமனை உடனடியாக அருகிலிருந்த ஜக்தல்பூர் அரசு மருத்துவமனைக்கு கொண்டு சென்றனர்.

 

அங்கு சிகிச்சை பலனின்றி பாமன் உயிரிழந்தார். ஆனால் இறந்த பாமனின் உடலை சொந்த கிராமத்துக்குக் கொண்டு செல்ல, அவரது அம்மாவிடம் பணமில்லை.இதனால் என்ன செய்வதென்று தெரியாமல் பாமனின் தாய் அழ ஆரம்பித்தார்.

 

இதனைக்கண்ட, அந்த மருத்துவமனையின் பிணவறை பொறுப்பாளர் பணமில்லை என்றால், உடலை மருத்துவக்கல்லூரிக்கு தானமாகக் கொடுங்கள் என்று கேட்டாராம். இதனைத் தொடர்ந்து மகனின் உடலை மருத்துவக்கல்லூரிக்கு தானமாக அந்த ஏழை தாய் கொடுத்திருக்கிறார்.

BY MANJULA | FEB 17, 2018 3:33 PM #LASTRITE #CHHATTISGARH #இறுதிச்சடங்கு #சத்தீஸ்கர் #தமிழ் NEWS

கிரிக்கெட் வரலாற்றில் முதன்முறையாக, இந்திய அணி-தென் ஆப்பிரிக்க அணியை அதன் சொந்த மண்ணில் 5-1 என்ற கணக்கில் வீழ்த்தி ஒருநாள் தொடரைக்  கைப்பற்றியுள்ளது.

 

வரலாற்று சிறப்புமிக்க இந்த ஒருநாள் தொடரை வென்றதில், கேப்டன் விராட் கோலி மற்றும் சுழற்பந்துவீச்சாளர்கள் சாஹல்-குல்தீப் ஆகிய மூவரும் முக்கியப் பங்கு வகிக்கின்றனர்.

 

தலா 5 போட்டிகளில் விளையாடிய குல்தீப்(16)-சாஹல்(14) ஜோடி,  30 விக்கெட்டுகளைக் கைப்பற்றி வெற்றிக்கு முக்கிய பங்கு வகித்துள்ளனர்.

 

இதேபோல, கேப்டன் விராட் கோலி 3 சதங்கள் உட்பட மொத்தம் 558 ரன்களை இந்தத்தொடரில் குவித்து சாதனை படைத்துள்ளார் என்பது குறிப்பிடத்தக்கது.

BY MANJULA | FEB 17, 2018 1:57 PM #INDVSSA #VIRATKOHLI #INDIA #விராட்கோலி #இந்தியா #தென்ஆப்பிரிக்கா #தமிழ் NEWS

கிரிக்கெட் வரலாற்றில் முதன்முறையாக, தென் ஆப்பிரிக்க அணியை அதன் சொந்த மண்ணில் 5-1 என்ற கணக்கில் வீழ்த்தி ஒருநாள் தொடரை இந்திய அணி கைப்பற்றியுள்ளது.

 

 

வெற்றிக்குப்பின் இந்திய அணியின் கேப்டன் விராட் கோலி அளித்த பேட்டியில், ''இந்தத் தொடர் வெற்றிக்கு தனது மனைவி அனுஷ்காவின் பங்கு மிகப்பெரியது என்றும் அவர் தனக்கு தொடர்ந்து உந்துதலாக இருக்கிறார்'' எனவும் காதல் மனைவி அனுஷ்காவைப் புகழ்ந்திருக்கிறார்.

 

 

இந்த ஒருநாள் போட்டி தொடரில், விராட் கோலி 3 சதங்கள் உட்பட மொத்தம் 558 ரன்களைக் குவித்து சாதனை படைத்துள்ளார் என்பது குறிப்பிடத்தக்கது.

 

BY MANJULA | FEB 17, 2018 12:52 PM #INDVSSA #VIRATKOHLI #இந்தியா #தென்ஆப்பிரிக்கா #விராட்கோலி #தமிழ் NEWS

சென்னை துறைமுகத்தில் ரூபாய் 79 லட்சம் மதிப்பிலான செக்ஸ் பொம்மைகள் சுங்கத்துறை அதிகாரிகளால் பறிமுதல் செய்யப்பட்டுள்ளது.

 

விசாரணையில், சீனாவில் இருந்து இந்த பொம்மைகள் இறக்குமதி செய்யப்பட்டதாகத் தகவல்கள் வெளியாகியுள்ளன.

 

இதுகுறித்து தி இந்து வெளியிட்டுள்ள செய்திக்குறிப்பில், சுமார் 3 மாதங்களுக்கு முன்பாக சுங்கத்துறை அதிகாரிகள் இதனைக் கைப்பற்றியதாகவும், அதில் செக்ஸ் பொம்மைகளுடன் சேர்த்து கடிகாரங்கள், நாற்காலிகள் உள்ளிட்ட பொருட்கள் இருந்ததாகவும் கூறப்படுகிறது.

 

இறக்குமதி செய்யப்பட்ட பொம்மைகள் இந்தியாவில் தடை செய்யப்பட்டவை என, சுங்கத்துறை ஆணையர் தெரிவித்துள்ளார்.

BY MANJULA | FEB 17, 2018 11:32 AM #SEXTOYS #CHENNAI #சென்னை #செக்ஸ்பொம்மைகள் #தமிழ் NEWS

நடிகர் சிவகார்த்திகேயன் இன்று தனது 33-வது பிறந்தநாளில் அடியெடுத்து வைத்திருக்கிறார்.

 

இந்தநிலையில், அவரது பிறந்தநாள் பரிசாக சிவகார்த்திகேயன்-பொன்ராம் 3-வது முறையாக இணையும் 'சீமராஜா' படத்தின் பர்ஸ்ட் லுக்கை 24 ஏஎம் ஸ்டுடியோஸ் நிறுவனம்  வெளியிட்டுள்ளது.

 

முதன்முறையாக, சிவாவுக்கு  ஜோடியாக சமந்தா நடிக்கும் 'சீமராஜா'வுக்கு இசையமைப்பாளராக டி.இமான் ஒப்பந்தம் செய்யப்பட்டுள்ளார்.

BY MANJULA | FEB 17, 2018 11:23 AM #SIVAKARTHIKEYAN #SEEMARAJA #SAMANTHA #சிவகார்த்திகேயன் #சீமராஜா #சமந்தா #தமிழ் NEWS

டெல்லியில் இன்று மாணவர்களிடையே உரையாடிய பிரதமர் மோடி சமஸ்கிருதத்தை விட தமிழே மிகத்தொன்மையான மொழி என்று கூறினார்.

 

"நாட்டின் மிகத் தொன்மையான மொழி எது?" என்று மாணவர் ஒருவர் எழுப்பிய கேள்விக்கு, சமஸ்கிருதத்தை விட 'தமிழே மிகத் தொன்மையான மொழி' என்று பதிலளித்தார். மேலும் தமிழில் தன்னால் வணக்கம் மட்டுமே கூற முடியும் என்றும், அதற்கு மேல் பேச முடியாதது தனக்கு வருத்தமளிப்பதாகவும் கூறினார்.

 

நிகழ்ச்சி முழுவதும் இந்தி மொழியிலேயே பேசிய மோடி, மற்ற மொழி மாணவர்களிடம் பேச முடியாததற்கு வருத்தம் தெரிவித்தார். தன்னுடைய பேச்சு மொழிபெயர்க்கப்பட்டு  மற்ற மாணவர்களுக்கு வழங்கப்படும் எனவும் நம்பிக்கை தெரிவித்தார்.

BY SATHEESH | FEB 16, 2018 5:57 PM #MODI #TAMIZH #தமிழ் #மோடி #தமிழ் NEWS

சட்டவிரோத பணப்பரிமாற்றம் மூலம் மும்பையில் உள்ள பஞ்சாப் நேஷனல் வங்கி கிளையில் வைர வியாபாரி நீரவ் மோடி 11,300 கோடி ரூபாய் மோசடியை நிகழ்த்தியுள்ளார். இதனால், நீரவ் மோடியின் வீட்டுக்கு சிபிஐ சீல் வைத்துள்ளது.

 

இந்த நிலையில் நீரவ் மோடி மற்றும் அவரது நண்பர் மெகுல் சோக்‌ஷி ஆகியோரின் பாஸ்போர்ட்டுகளை மத்திய அரசு முடக்கி உள்ளதாக தகவல்கள் வெளியாகியுள்ளன.

 

முன்னதாக, நீரவ் மோடியின் 1300 ரூபாய் கோடி மதிப்பிலான சொத்துக்களை மத்திய அரசு பறிமுதல் செய்துள்ளது குறிப்பிடத்தக்கது.

BY SATHEESH | FEB 16, 2018 4:53 PM #NEERAVMODI #SCAM #FORGERY #தமிழ் NEWS

கூகுள் தேடலில் அதிகம் தேடப்பட்ட நடிகைகள் பட்டியலில் சன்னி லியோனை பின்னுக்குத்தள்ளி, 'மாணிக்ய மலராய பூவி' புகழ் பிரியா பிரகாஷ் வாரியர் முதலிடம் பிடித்துள்ளார்.

 

'ஒரு அடார் லவ்' படத்திலிருந்து இணையத்தில் வெளியான மாணிக்ய மலராய பூவி பாடலை, இதுவரை சுமார் 1 கோடிக்கும் அதிகமானோர் இணையத்தில் கண்டுகளித்துள்ளனர்.

 

இதனால் பேஸ்புக், டுவிட்டர், இன்ஸ்டாகிராம் உள்ளிட்ட சமூக வலைதளங்களில் பிரியாவைப் பின்தொடர்பவர்களின் எண்ணிக்கை பன்மடங்கு அதிகரித்துள்ளது.

 

இதுதவிர கூகுள், யூடியூப் என இணையத்திலும் பிரியா பிரகாஷ் ஆதிக்கம் செலுத்தி வருகிறார் என்பது குறிப்பிடத்தக்கது.

BY MANJULA | FEB 16, 2018 4:48 PM #PRIYAPRAKASHVARRIER #SUNNYLEONE #GOOGLE #தமிழ் NEWS

ஏ.ஆர்.முருகதாஸ் இயக்கத்தில் விஜய் நடித்து வரும் 'தளபதி 62' படத்தின் படப்பிடிப்பு தற்போது விறுவிறுப்பாக நடைபெற்று வருகிறது. இப்படத்தில் விஜய்க்கு ஜோடியாக கீர்த்தி சுரேஷ் நடித்து வருகிறார்.

 

இந்த நிலையில், 'கோவா' புகழ் பியா பாஜ்பாய் இப்படத்தில் நடிக்கப்போவதாக தகவல்கள் வெளியாகின. ஆனால் இதுகுறித்து நடிகை பியா தனது டுவிட்டர் பக்கத்தில், ''தவறான தகவல் நான் அந்தப்படத்தில் நடிக்கவில்லை," என விளக்கமளித்துள்ளார்.

BY MANJULA | FEB 16, 2018 3:29 PM #THALAPATHY62 #VIJAY #PIABAJPAI #விஜய் #தளபதி62 #பியாபாஜ்பாய் #தமிழ் NEWS

ராமேஸ்வரத்தில் அமைந்துள்ள ராமநாதசுவாமி கோவில் வளாகத்தில் நேற்று பக்தர் ஒருவர் தண்ணீர் லாரி மோதி இறந்ததாக, 'நியூ இந்தியன் எக்ஸ்பிரஸ்' செய்தி வெளியிட்டுள்ளது.

 

தகவலறிந்து சம்பவ இடத்திற்கு விரைந்து வந்த போலீசார் ஆம்புலன்ஸ் வண்டி கிடைக்காததால், உடலை குப்பை வண்டியில் எடுத்து செல்ல அறிவுறுத்தியதாக கூறப்படுகிறது.

 

விபத்துக்குள்ளான ரமாமணி (54) ஒடிசாவை சேர்ந்தவர் என்றும், கடலில் புனித நீராடிவிட்டு கோவிலுக்கு திரும்பும் வழியில் விபத்தில் சிக்கி உயிரிழந்தார் எனவும் தகவல்கள் வெளியாகியுள்ளன.

 

இந்த சம்பவம் அப்பகுதியில் பெரும் பரபரப்பை ஏற்படுத்தியுள்ளது.

BY SATHEESH | FEB 16, 2018 3:28 PM #LORRY #TN #TAMILNADU #DEVOTEE #GARBAGE #தமிழ் NEWS

காவிரி வழக்கில் உச்சநீதிமன்றம் இன்று வழங்கிய தீர்ப்பில், தமிழகத்திற்கு 177.25 டிஎம்சி தண்ணீரை வழங்குவதாக அறிவித்துள்ளது. இந்தத் தீர்ப்பு காரணமாக தமிழகத்திற்கு வரும் காலங்களில் 14.75 டிஎம்சி தண்ணீர் குறைவாகக் கிடைக்கும்.

 

இந்தநிலையில், நடிகர் கமல் இந்தத் தீர்ப்பு குறித்து பத்திரிக்கையாளர்களுக்கு அளித்த பேட்டியில், "காவிரிக்கு யாரும் சொந்தம் கொண்டாட முடியாது என்பது மன நிம்மதி அளிக்கிறது.

 

கிடைக்கும் நீரை வைத்துக்கொண்டு பாசனத்திற்கு என்ன செய்ய வேண்டுமோ அதனை நாம் செய்ய வேண்டும். 2 மாநில விவசாயிகளும் ஒற்றுமையுடன் இருக்க வேண்டும். உச்சநீதிமன்ற தீர்ப்பு அழுத்தமாக உள்ளது சற்றே ஆறுதல் அளிக்கிறது," என கருத்துத் தெரிவித்துள்ளார்.

BY MANJULA | FEB 16, 2018 1:39 PM #KAMAL #CAUVERYVERDICT #TAMILNADU #கமல் #காவிரிதீர்ப்பு #தமிழ்நாடு #தமிழ் NEWS

காவிரி நதிநீர் பங்கீடு விவகாரத்தில் தமிழகத்திற்கான தண்ணீரைக் குறைத்து உச்சநீதிமன்றம் தீர்ப்பளித்துள்ளது. இந்த தீர்ப்பு குறித்து தமிழக பாஜக தலைவர் தமிழிசை சௌந்தரராஜன் உச்ச நீதிமன்றத்தின் தீர்ப்பை வரவேற்கவில்லை என்று தெரிவித்துள்ளார்.

 

மேலும் கர்நாடக காங்கிரஸ் அரசு தமிழகத்தை தொடர்ந்து வஞ்சிப்பதாகவும் தற்போது அறிவித்துள்ள 177.25 டிஎம்சி தண்ணீரையாவது முழுவதுமாக திறந்து விட வேண்டும் என்றும் கூறியுள்ளார்.

 

காவிரி தாயின் கருணை தமிழகத்திற்கு நிச்சயம் கிடைக்கும் என்றும், காவிரி பிரச்சினையை அரசியலாக பார்க்காமல் விவசாயம் சார்ந்து பார்க்க வேண்டும் என்றும் தமிழிசை வேண்டுகோள் விடுத்துள்ளார்.

BY SATHEESH | FEB 16, 2018 1:27 PM #SC #KAVERI #காவிரி #CHENNAI #சென்னை #தமிழ் NEWS

நீண்ட இடைவெளிக்குப் பிறகு தென்னாப்பிரிக்காவுக்கு எதிரான 20 ஓவர் போட்டிக்கு சுரேஷ் ரெய்னா தேர்வாகியுள்ளார்.

 

இந்நிலையில் சமீபத்தில்  அவர் அளித்துள்ள பேட்டியில், "தான் நன்றாக ஆடியும் இந்திய அணிக்குத் தேர்வாகாதது மிகுந்த மன வேதனை அளித்ததாகவும், அப்போது தன் குடும்பம் மட்டுமே உறுதுணையாக இருந்ததாகவும் தெரிவித்துள்ளார்.

 

மேலும், தற்போது மிடில் ஆர்டர் பற்றி அதிகமாக விமர்சிக்கப்படுவதாகவும், நான்காவது பேட்ஸ்மேனாக களமிறங்கி  ஆடுவது சாதாரண விஷயமில்லை என்றும் சுரேஷ் ரெய்னா தெரிவித்துள்ளது குறிப்பிடத்தக்கது.

BY SATHEESH | FEB 16, 2018 12:46 PM #SURESHRAINA #CRIC #INDVSSA #தமிழ் NEWS

காவிரி நதிநீர் பங்கீடு தொடர்பாக காவிரி நடுவர் மன்றம் வழங்கிய இறுதித் தீர்ப்பை எதிர்த்து, கர்நாடகம், தமிழகம், கேரளா, புதுச்சேரி ஆகிய மாநிலங்கள் கடந்த 2007- ஆண்டு உச்சநீதிமன்றத்தில் மேல் முறையீடு செய்தன.

 

இந்த வழக்கில் அனைத்து கட்ட விசாரணைகளும் நிறைவடைந்த நிலையில், உச்சநீதிமன்றம் இன்று தீர்ப்பு வழங்கியுள்ளது. அதில் தமிழகத்திற்கு 177.25 டிஎம்சி தண்ணீரை வழங்குவதாக அறிவித்துள்ளது.

 

2007-ம் ஆண்டு காவிரி நடுவர் மன்றம் 192 டிஎம்சி நீரை தமிழகத்திற்கு வழங்க உத்தரவிட்ட நிலையில், தற்போது உச்சநீதிமன்றம் தண்ணீரின் அளவைக் குறைத்து தீர்ப்பு வழங்கியுள்ளது.

 

இந்தத் தீர்ப்பு காரணமாக தமிழகத்திற்கு 14.75 டிஎம்சி தண்ணீர் குறைவாகக் கிடைக்கும் என்பது குறிப்பிடத்தக்கது.

BY MANJULA | FEB 16, 2018 11:31 AM #CAUVERYVERDICT #SUPREMECOURT #TAMILNADU #காவிரிதீர்ப்பு #உச்சநீதிமன்றம் #தமிழ்நாடு #தமிழ் NEWS

குண்டூரில் (ஆந்திரா) உள்ள அரசு மருத்துவமனை ஒன்றில் முகச்சீரமைப்பு அறுவை சிகிச்சை நடந்துகொண்டிருந்தது. அப்போது திடீரென மின்சாரம் நின்று வெளிச்சம் தடைப்பட்டது.

 

எனினும் மொபைல் டார்ச் வெளிச்சத்தை வைத்து மருத்துவர்கள் அந்த அறுவை சிகிச்சையை வெற்றிகரமாக செய்து முடித்தனர்.

 

இதுபற்றி மருத்துவமனை கண்காணிப்பாளர் டாக்டர் சாவுரி ராஜூ நாயுடு கூறும்போது, ’மொபைல் டார்ச் வெளிச்சத்தில் ஆபரேஷன் செய்த டாக்டர்களை பாராட்டுகிறேன். அவர்களின் அர்ப்பணிப்பு உணர்வு பாராட்டக் கூடியது,'' என்றார்.

BY SATHEESH | FEB 16, 2018 10:52 AM #ANDRA #MOBILE # #OPERATION #தமிழ் NEWS

Tamil Nadu Politics | Tamil Nadu Crime | Tamil Nadu State Development | Tamil Nadu People