கடந்த வாரம் தேனி மாவட்டம் குரங்கணி பகுதிக்கு மலையேற்றம் சென்ற 36 பேர், எதிர்பாராதவிதமாக காட்டுத்தீயில் சிக்கிக்கொண்டனர்.

தமிழ்நாட்டையே உலுக்கிய இந்த கோர விபத்துக்கு, இதுவரை 16 பேர் பலியாகியுள்ளனர்.

இந்த நிலையில், காட்டுத்தீயில் சிக்கி உயிரிழந்த சென்னையைச் சேர்ந்த உஷா, அனுவித்யா ஆகிய 2 பெண்களின் குடும்பத்தினரை நடிகரும், மக்கள் நீதி மய்யம் கட்சித்தலைவருமான கமல்ஹாசன் இன்று நேரில் சந்தித்து ஆறுதல் தெரிவித்தார்.

பின்னர் செய்தியாளர்களைச் சந்தித்த கமல், "இதனை ஒரு பாடமாகக் கொண்டு, எதிர்காலத்தில் இதுபோன்ற விபத்துகள் ஏற்படாமல் தடுக்க முன்னெச்சரிக்கை நடவடிக்கைகள் மேற்கொள்ளப்பட வேண்டும்," என்று கூறினார்.