'ஆளப்போறான் தமிழன்'... மீண்டும் அட்லீயுடன் கைகோர்த்த 'தளபதி'

சர்கார் படத்தைத் தொடர்ந்து அட்லீயின் இயக்கத்தில், தளபதி விஜய் நடிக்கப்போவதாக தகவல்கள் வெளியாகியுள்ளன.

விஜய் தற்போது ஏ.ஆர்.முருகதாஸ் இயக்கத்தில் சர்கார் படத்தில் நடித்து வருகிறார். அவரின் 62-வது படமாக உருவாகி வரும் இப்படம் வரும் தீபாவளிக்கு வெளியாகிறது.இதைத் தொடர்ந்து விஜய்யின் 63-வது படத்தை இயக்கப் போவது யார்? என்ற கேள்வி ரசிகர்கள் மத்தியில் எழுந்தது.

மோகன்ராஜா,ஹெச்.வினோத் இருவரில் யாராவது ஒருவர் விஜய் 63 படத்தை இயக்குநர்கள் என எதிர்பார்க்கப்பட்ட நிலையில், விஜய் 63 படத்துக்காக அட்லீயுடன்-விஜய் மீண்டும் கூட்டணி அமைக்கப் போவதாக நம்பத்தகுந்த வட்டாரங்களில் இருந்து நமக்குத் தகவல்கள் கிடைத்துள்ளன.

ஏஜிஎஸ் நிறுவனம் இப்படத்தை தயாரிக்கப் போவதாகவும், 2019-ம் ஆண்டு ஜனவரியில் படத்தின் ஷூட்டிங் தொடங்கப்பட்டு தீபாவளிக்கு வெளியாகும் என்றும் கூறப்படுகிறது.இதுகுறித்து அதிகாரப்பூர்வ அறிவிப்புகள் விரைவில் வெளியாகும் என எதிர்பார்க்கப்படுகிறது.