தமிழக அரசின் பேருந்து கட்டண உயர்வுக்கு எதிர்ப்புத் தெரிவித்து இன்று தமிழகம் முழுவதும், தி.மு.க தொண்டர்கள் செயல் தலைவர் மு.க.ஸ்டாலின் தலைமையில் போராட்டம் நடத்தினர்.
சென்னை சேப்பாக்கம் அருகே நடைபெற்ற ஆர்ப்பாட்டத்துக்கு மு.க.ஸ்டாலின் தலைமை தாங்கினார். அப்போது அவர் பேசுகையில் "உயர்த்தப்பட்ட பேருந்துக்கட்டணத்தை குறைக்க நாளை வரை காத்திருப்போம்.
கட்டணம் குறைக்கப்படவில்லை எனில், 'மொழிப்போர் போராட்டம்', ஜல்லிக்கட்டு போராட்டம்' போல மீண்டும் ஒரு போராட்டம் நடைபெறும். அதற்கு அனைவரும் தயாராக இருக்க வேண்டும்" என்றார்.
மேலும், பேருந்து கட்டண உயர்வை திரும்பப்பெறாவிட்டால் திங்கட்கிழமை முதல் அனுமதியின்றி தொடர் போராட்டங்கள் நடத்தப்படும் எனவும், மு.க.ஸ்டாலின் தமிழக அரசுக்கு எச்சரிக்கை விடுத்துள்ளது குறிப்பிடத்தக்கது.
