பெங்களூர் பவுலர்களை 'வெளுத்தெடுத்த' தோனி-ராயுடு... சூப்பர் கிங்ஸ் அபார வெற்றி!

புகைப்பட உதவி @IPL

சின்னச்சாமி மைதானத்தில் சற்றுமுன் நடைபெற்ற ஆட்டத்தில் முதலில் பேட் செய்த ராயல் சேலஞ்சர்ஸ் அணி, 20 ஓவர்கள் முடிவில் 8 விக்கெட்டுகளை இழந்து 205 ரன்களைக் குவித்தது.

அதிகபட்சமாக பெங்களூர் அணியின் ஏபி டிவிலியர்ஸ் 68 ரன்களும், குவிண்டன் டி காக் 53 ரன்களும் குவித்தனர். சென்னை  அணியின் பந்து வீச்சாளர்கள்  இம்ரான் தாஹீர், பிராவோ ஆகியோர் தலா 2 விக்கெட்டுகளைக் கைப்பற்றினர்.

இதைத்தொடர்ந்து 206 ரன்கள் எடுத்தால் வெற்றி என்ற இலக்குடன் களமிறங்கிய சென்னை அணி, 19.4 ஓவர்களில் 5 விக்கெட்டுகளை இழப்பிற்கு 207 ரன்கள் எடுத்து வெற்றி பெற்றது.

சென்னை அணியில் அதிகபட்சமாக கேப்டன் தோனி 70 ரன்களும், அம்பாதி ராயுடு 82 ரன்களும் குவித்தனர். இந்த வெற்றி மூலம் புள்ளிப்பட்டியலில் சென்னை அணி தொடர்ந்து முதலிடத்தைத் தக்க வைத்துள்ளது.