நடிகர் சல்மான்கானின் 'வீர்காடி' படத்தில் 3 ஹீரோயின்களில் ஒருவராக நடித்தவர் பூஜா தட்வால். திருமணமாகி கோவாவில் வசித்து வந்த இவருக்கு, நுரையீரல் தொடர்பான தொற்றுநோய் ஏற்பட்டுள்ளது.

இதைத் தொடர்ந்து மும்பையில் உள்ள மருத்துவமனை ஒன்றில் இவர் அனுமதிக்கப்பட்டுள்ளார். மருத்துவமனையில் இவரது உடல்நிலை மோசமானதைத் தொடர்ந்து அவரது குடும்பத்தினர் பூஜாவை விட்டுவிட்டு சென்றதாக கூறப்படுகிறது.

சிகிச்சைக்கு பணமில்லாமல் தவிக்கும் பூஜா தற்போது சல்மானிடம் உதவி கேட்டு வீடியோ ஒன்றை வெளியிட்டுள்ளார். அந்த வீடியோவில் தனது நிலையை விளக்கியுள்ள பூஜா, இதைப் பார்த்தால் சல்மான் கண்டிப்பாக உதவுவார் என நம்பிக்கை தெரிவித்துள்ளார்.

பூஜாவின் நிலையைப் பார்த்த போஜ்பூரி நடிகர் ரவிகிஷன் தனது உதவியாளர் மூலமாக அவரது சிகிச்சைக்கு உதவி செய்துள்ளார். ரவி கிஷனுடன் இணைந்து போஜ்பூரி படமொன்றில் பூஜா நடித்தது குறிப்பிடத்தக்கது.