'ആ സ്ഥലത്തിന് പ്രശ്‌നമുണ്ട്'; ഇന്ത്യന്‍ 2 സെറ്റിലെ അപകടത്തെക്കുറിച്ച് ബിഗില്‍ നടി അമൃത

ഇപ്പോഴിതാ ആ സ്ഥലത്ത് നേരത്തെയും ഇത്തരം അപകടം നടന്നിട്ടുണ്ടെന്ന് വ്യക്തമാക്കി രംഗത്തെത്തിയിരിക്കുകയാണ് ബിഗില്‍ ചിത്രത്തിലെ നടി അമൃത. അവിടെ ഇനി ആരും ഷൂട്ടിംഗ് നടത്തരുതെന്നും സ്ഥലത്ത് എന്തോ നെഗറ്റീവ് വൈബ് ഉണ്ടെന്നും അമൃത ട്വിറ്ററില്‍ കുറിച്ചു.

'ഇത് വളരെ സങ്കടകരമാണ്. ആ സ്ഥലം ശരിക്കും ഭീകരമാണ്. ഇതേ തരത്തിലുള്ള ലൈറ്റ് മുമ്പ് ബിഗിലിന്റെ ഷൂട്ടിംഗിനിടെയും വീണിരുന്നു. അന്ന് ഞങ്ങളെല്ലാവരും ഞെട്ടിയിരുന്നു. ഇനിയും ആളുകള്‍ അവിടെ പോയി ഷൂട്ട് ചെയ്യരുതേ എന്ന് ആഗ്രഹിക്കുന്നു. അവിടെ ഒരു നെഗറ്റീവ് അന്തരീക്ഷമാണ്.' - അമൃത കുറിക്കുന്നു.

ഇന്നലെ അര്‍ധരാത്രിയോടെയാണ് അപകടമുണ്ടായത്. സഹസംവിധായകന്‍ കൃഷ്ണ, സെറ്റിലെ കാറ്ററിംഗ് സംഘത്തിലെ മധു, ചന്ദ്രന്‍ എന്നിവരാണ് മരിച്ചത്. ഒരു സീനില്‍ ചിത്രീകരണത്തിനായുള്ള തയ്യാറെടുപ്പിനിടെ 150 അടിയിലേറെ ഉയരമുള്ള ക്രെയിന്‍ സംവിധായകന്‍ ഉള്‍പ്പടെയുള്ളവര്‍ ഇരുന്ന ടെന്റിന് മുകളിലേക്ക് വീഴുകയായിരുന്നു.

This is really Sad ! That place is actually horrifying, the same kinda light fell on a person during BIGIL shooting and we were all shattered just like this one !! I just wish ppl don’t go there to shoot again or just don’t go there , lot of negative vibes 🙏🏼 RIP😭 https://t.co/bwJnRLJqW7

— Amritha (@Actor_Amritha) February 19, 2020